LIMPEZA

O BNG advirte da necesidade de arranxar os colectores de lixo que non funcionan

IMG-20180923-WA0005(1)
Colectores inutilizados

Goretti Sanmartín reclámalle ao equipo de Martiño Noriega que axilice as xestións para favorecer a recollida selectiva de residuos e incrementar a sensibilización ambiental

O BNG advirte da necesidade de arranxar os colectores de lixo que non funcionan

Santiago de Compostela, 25 de setembro de 2018.- A portavoz do grupo municipal do BNG de Santiago, Goretti Sanmartín Rei, advirte da existencia de colectores de lixo soterrados que non están habilitados pese ás reiteradas queixas da veciñanza.

O BNG xa trasladou a Pleno en reiteradas ocasións o mal funcionamento dos colectores de lixo, desde a falta de limpeza á falta de accesibilidade, pasando pola necesidade de instalar os depósitos de recollida selectiva de vidro, plástico e papel nas parroquias do rural.

A isto únese a falta de substitución dos que están rotos e sen tapa, dos que están con valados e inutilizados e dos que están atascados e non funcionan nas rúas Pamplona,  Lisboa e Berlín, ademais dos da praza de Uruguai, por citar algúns exemplos.

Neste sentido, reclámalle ao Goberno de Martiño Noriega que axilice as xestións para que os colectores de lixo estean operativos e en boas condicións co fin de favorecer a recollida selectiva de residuos para poder incrementar a sensibilización ambiental en Santiago de Compostela.

O BNG advirte da necesidade de arranxar os colectores de lixo que non funcionan