Imprimir

O BNG reúnese coa directiva de Santiago Centro para coñecer as propostas do seu plan estratéxico para impulsar o comercio local

bngsantiago | 23 de febreiro de 2019

Reunión con Santiago Centro
Reunión con Santiago Centro

Avanzaron oportunidades e propostas concretas de actuación na zona do Ensanche para incluír no programa

Santiago de Compostela, 23 de febreiro de 2019.- Goretti Sanmartín, acompañada de Navia Rivas, Lois Calvelo e Xosé Quintáns, da candidatura do BNG, mantiveron un encontro coa directiva de Santiago Centro para coñeceren de primeira man as súas propostas para impulsar o comercio local recollidas no plan estratéxico de comercio.

Deste xeito, avanzaron oportunidades e propostas concretas de actuación no Ensanche en ámbitos como o comercio, urbanismo e turismo, ademais de intercambiaren medidas para  o programa.

Na reunión, recibiron información da análise realizada no documento ‘Nova Estratexia Comercial para o Ensanche’, elaborada nos últimos meses a partir de diversas mesas de debate coa participación de expertos en urbanismo, turismo, comercio e hostalaría; ademais de informes da USC e de persoal técnico experto en distintas áreas.

Esta reunión enmárcase nos encontros do BNG co asociacionismo compostelán para presentar o primeiro tramo da candidatura e intercambiar ideas e propostas para o programa electoral.

Podes ver este artigo na próxima dirección /articulo/novas/bng-reunese-coa-directiva-santiago-centro-conecer-propostas-do-seu-plan-estratexico-impulsar-comercio-local/20190223134221002412.html


© 2019 BNG de Santiago de Compostela

Bloque Nacionalista Galego

Rúa do Home Santo, 54 baixo
15703 Santiago de Compostela (GALIZA)
Teléfono: +34981554167
Correo: compostela@bng.gal