MÁRTIRES DE CARRAL

Acto público en lembranza dos Mártires de Carral

Cartaz Mártires de Carral
Cartaz Mártires de Carral

Compostela foi un dos escenarios clave da Revolución Galega de 1846

Acto público en lembranza dos Mártires de Carral

Santiago de Compostela, 23 de abril de 2018.- O BNG organiza un acto público este martes 24 de abril ás 18:00 horas na praza da Inmaculada, fronte ao mosteiro de San Martiño Pinario, para conmemorar a Revolución Galega de 1846 e os feitos históricos e de reivindicación política que vinculan Santiago de Compostela cos Mártires de Carral. Ademais das intervencións de Rubén Cela e de Goretti Sanmartín Rei, no acto actuarán Os Enxebres de San Lázaro.

Santiago de Compostela foi un dos escenarios clave da Revolución Galega de 1846 posto que nesta cidade se reuniu a Xunta Superior do Goberno de Galiza que publicou a proclama elaborada por Antolín Faraldo contra o sistema tributario, recorte de dereitos e centralización administrativa impulsada por Ramón María Narváez.

Máis de 2.000 persoas resistiron no mosteiro de San Martiño Pinario, onde levaron tamén o arcebispo Rafael Vélez. Entre eles estaban 300 estudantes e voluntariado civil. Miguel Solís solicitou un armisticio mediante o arcebispo que foi rexeitado polo bando español. Os revolucionarios entregaron as armas; uns marcharon a Portugal e Solís foi apreixado nas escaleiras de San Martiño Pinario xunto con 60 oficiais, que serán xulgados por un tribunal militar e fusilados para aplacar a poboación disposta a continuar coa rebelión pola liberación do país. Convértense así nos Mártires de Carral.