Quere saber se vai desactivar este sistema instalado nos semáforos de Romero Donallo, Praza de España e Amor Ruibal

Santiago de Compostela, 27 de xaneiro de 2016.- O grupo municipal do BNG rexistrou unha pregunta para coñecer se o Goberno local de Compostela Aberta estudou a sentenza do Tribunal Supremo que anula as multas tramitadas con fotorroxos, co obxectivo de saber se vai desactivar este sistema instalado nos semáforos de Romero Donallo, Praza de España e Amor Ruibal.

O BNG realizou esta pregunta sobre a situación legal do funcionamento deste mecanismo de seguridade viaria co fin de obter información sobre a aplicación concreta desta sentenza, tendo en conta que o Goberno local de Lugo adoptou a decisión de desactivar o fotorroxo situado na Ronda da Muralla.