28M

Goretti Sanmartín: “Temos un equipo preparado para gobernar porque Santiago precisa un cambio transformador liderado polo BNG”

Candidatura do BNG de Santiago para o 28M

Presenta a listaxe aprobada en asemblea para desenvolver “un proxecto que pon no centro as persoas que viven e traballan en Compostela”

BNG de Santiago 27 mar. 2023 - 13:13

cocorazonencompostela 28M

Santiago de Compostela, 27 de marzo de 2023.- O BNG anuncia a listaxe de persoas que integran a candidatura para as eleccións do 28M que, en palabras de Goretti Sanmartín, conforman “un equipo preparado para gobernar". “Son persoas co corazón en Compostela e capacidade para xestionar os retos de Santiago nos próximos catro anos, para preparar un futuro de ilusión e de esperanza na capital de Galiza”, indicou.

Como liñas de traballo prioritarias, explicou que “o concello precisa un cambio transformador liderado polo BNG, capaz de aproveitar o noso potencial e de recuperar o orgullo cun proxecto que pon no centro as persoas que viven e traballan en Compostela”. “Queremos un concello con dereito á vivenda e prezos asequíbeis para o alugueiro; un concello feminista, con servizos públicos de calidade e preparado para o cambio climático”, engadiu.

Nese sentido, as persoas que fan parte deste proxecto destacan pola súa implicación no movemento asociativo como Xesús Domínguez, Lois Calvelo, Concha de la Fuente, Isabelle Kerdudo, Manuel Quintáns e Lurdes Sexto.

Do ámbito da arquitectura está Iago Lestegás, do ensino Pilar Lueiro e Manuel César, da avogacía Xavier Castro, do sindical Sandra López, do sanitario Encarna Brión, do LGBT Alexandre Garrido, dos servizos sociais Saleta Chao, do comercio César Lago e do cultural Míriam Louzao, Lucía Carreira e Xan Bello, entre outras. A aposta pola mocidade vén de integrar persoas como Martiño Cacheda e María Bará.

Tamén se incorporan independentes que se achegan ao BNG como mostra de crecemento como Marisa Gil, da asociación “A Pedra que fala” de Fecha e ecoloxista, Fernando Lacaci, expresidente da Federación de ANPA, Eva Cividanes, do comercio Queroté e Alfonso Zarauza, cineasta. “Agradecemos a Marisa Gil, Fernando Lacaci, Eva Cividanes e Alfonso Zarauza que dan este paso de apoiar o BNG como bos exemplos da corrente de simpatía que esperta este proxecto que é referente de compromiso con Santiago de Compostela e con Galiza”, indicou Goretti Sanmartín.

Candidatura do BNG para eleccións municipais de maio de 2023:

1. Goretti Sanmartín Rei

2. Míriam Louzao Fernández

3. Xesús Domínguez Domínguez

4. Pilar Lueiro García

5. Manuel César Vila

6. Iago Lestegás Tizón

7. Saleta Chao Rivas

8. Xavier Castro Martínez

9. Marisa Gil Nieto (independente)

10. Alexandre Garrido López

11. Sandra López Corral