Esta despreocupación delata un escaso interese polo coidado do patrimonio

Santiago de Compostela, 05 de agosto de 2016.- O grupo municipal do BNG demándalle ao grupo de Goberno que vele polo mantemento e pola conservación da Rocha Forte, xa que presenta un descoidado estado debido ao crecemento da vexetación, tanto na zona escavada como na súa contorna, o que dificulta a visión global desta actuación arqueolóxica.

Para o BNG, que na actualidade non se presten uns mínimos coidados básicos consistentes na roza da vexetación dun xeito periódico é proba do continuísmo do Goberno anterior no seu xeito de actuar. Esta despreocupación delata un escaso interese polo coidado do patrimonio e polo resultado da percepción das persoas que se achegan a coñecer este legado histórico.