“A decisión do traslado provoca un afastamento e maiores dificultades de acceso á Xustiza para a cidadanía”, explicou Elvira Cienfuegos

Santiago de Compostela, 8 de abril de 2014.- O concelleira nacionalista Elvira Cienfuegos, perante preguntas de xornalistas sobre o traslado do partido xudicial de Santiago de Compostela á Coruña, indicou que o grupo municipal do BNG rexistrou unha petición para convocar a xunta de portavoces de cara a “facer presión e de que sexa unánime esa demanda compartida pola cidadanía”, co fin de para garantir o seu mantemento na nosa cidade.

En maio de 2013 aprobouse en Pleno por unanimidade unha proposición para instar á Xunta de Galiza para que reclamase do Ministerio de Xustiza o mantemento do partido xudicial de Santiago de Compostela, segundo lembrou a concelleira. “Esta decisión do Ministerio de Xustiza”, segundo explicou Elvira Cienfuegos, “leva consigo un afastamento e maiores dificultades de acceso á Xustiza para a cidadanía”. Neste momento, a intención do BNG é de buscar “os medios necesarios para non se produza ese traslado do partido xudicial”.

O BNG criticou que o obxectivo deste anteproxecto do ministro Gallardón é que haxa un só partido xudicial por provincia, co que en Galiza se pasaría dos 45 organismos actuais a catro, en contra dos intereses sociais.