Detrás desa imputación hai indicios delituosos graves presuntamente cometidos na súa etapa como concelleira en Santiago de Compostela

Santiago de Compostela, 13 de novembro de 2014.- O grupo municipal do BNG considera que Paula Prado, por decencia política, debe abandonar o escano no Hórreo. Así valorou a citación de Paula Prado en calidade de imputada por supostos delitos de fraude e de tráfico de influencias que puido cometer durante a súa etapa como concelleira en Santiago de Compostela

Para o BNG, a demora nesta investigación a Paula Prado atribúese á súa condición de deputada parlamentaria e á semi-blindaxe en calidade de aforada, mais non é sorpresa que sexa chamada a declarar no marco da operación Pokemon.

O grupo municipal do BNG considera que Paula Prado debe deixar a acta de deputada e “non se debe atornillar ao escano do Hórreo cando detrás desa imputación hai indicios delituosos graves, aínda coa distinción entre imputación e condena”, pois englóbase nunha cuestión de corrupción, que é unha das grandes preocupacións sociais como demostran as enquisas de opinión e o propio CIS.