Nacín en Santiago de Compostela, en 1975. Vivo no barrio de Sar. Traballei de dependenta, técnica de comercio rural, administrativa do grupo municipal do BNG no Concello de Santiago e na actualidade son profesora de ensino secundario no IES As Mariñas de Betanzos.

Son licenciada en Filoloxía Galega.

Milito no BNG dende hai 25 anos. Maniféstome feminista e independentista. Fun presidenta da Asociación Eu de Sar de Toda a Vida.

Teño un compromiso activo coa lingua do meu país, o galego. Non creo nos títulos en papel e si nas obras, nos feitos; creo no traballo en equipo e penso que é o camiño cara o éxito.

Entre as miñas paixóns atópanse as miñas sobriñas, pasear pola miña cidade, ler e viaxar.

Pilar Lueiro vai no número 4 da candidatura do BNG ás eleccións municipais.