Presentámosvos ás persoas que integran a candidatura do BNG de Santiago de Compostela ás eleccións municipais de 2023
7. Saleta Chao Rivas
Veciña do barrio de Conxo, é técnica de Servizos Sociais dun concello da contorna de Santiago, cidade á que regresa despois de máis de seis anos traballando en distintas administracións locais e entidades non gobernamentais de Londres, onde emigrou ao rematar os seus estudos no ano 2015.
Nada en Cuntis en 1990, chega por primeira vez a Santiago no ano 2008 para estudar na Facultade de Ciencias da Educación da USC, onde cursa estudos como Mestra, na especialidade de educación infantil e o Grao en Pedagoxía. Durante os anos que estivo emigrada, fixo un Mestrado en Política Educativa na Universidade de Roehampton.
Participou activamente do tecido asociativo da comunidade galega en Londres, formando parte, entre outras inciativas, do grupo de pandeireteiras Son da Illa. Agora de volta en Santiago é socia da Asociación do Traxe Galego.
