25. Allfonso Vilas Zarauza, máis coñecido polo seu nome artístico de Alfonso Zarauza.
Naceu no ano 1973 en Compostela. Residente durante toda a súa infancia e xuventude no barrio de Sar, estudou a EXB e o bacharelato no Colexio La Salle e o COU no instituto Xelmírez. Estudante de Filoloxía e Dereito na USC, mais o cinema decantou o seu devir. Foi alumno na Escola de imaxe e son na Coruña. No ano 1994 iniciou a súa carreira cinematográfica filmando seis curtametraxes. No ano 1998 trasládase a vivir a Madrid onde traballa durante tres anos no programa Media da Unión Europea. No ano 2002 funda a produtora cinematográfica Iroko Films en que desempeña o traballo de director de desenvolvemento producindo oito filmes. Neses anos vive entre Madrid, Ronda, Edimburgo, Fortaleza (Brasil) e Los Ángeles (EEUU). No ano 2009 retorna a Galiza e funda pouco despois a produtora cinematográfica Maruxiña Film Company coa idea de facer cinema de autor desde Galiza para o mundo enteiro. Como guionista e director filmou seis longametraxes e dúas series de tv. Recibiu unha decena de premios internacionais e nove premios Mestre Mateo. No 2020 foi Premio de honra Cineuropa no festival desta cidade.
