O sábado 25 de xullo sairá unha marcha ás 12:00 h. da Alameda con remate na praza da Quintana cun acto político, coas intervencións da portavoz nacional Ana Pontón, do secretario xeral de Galiza Nova Paulo Ríos e da deputada electa Iria Carreira.

Os actos están organizados tendo en conta as medidas de seguranza sanitaria derivadas da prevención da covid-19 e contarán só con militantes e simpatizantes da zona, xa que este Día da Patria se celebra de xeito descentralizado nas cidades galegas con conexión en directo coa praza da Quintana de Santiago de Compostela.