Santiago de Compostela, 28 de marzo de 2022.- O BNG reclamará no Pleno que o  Goberno local investigue e controle unha foxa séptica que provoca verteduras á carballeira de Conxo, un espazo emblemático que sofre continuos regueiros contaminantes e malos olores.

Na zona do Carballo de Conxo, perto do hospital e da base do 061, hai unha foxa séptica en condicións de insalubridade que, ás veces, reborda e deita un regueiro de lamas de augas residuais que vai embocar ao regato, provocando contaminación e fortes cheiros neste emprazamento.

Para o BNG, o Concello de Santiago debe investigar a orixe destas verteduras e proceder a adoptar medidas para frear esta contaminación, co obxectivo de manter en bo estado este espazo da carballeira.