En declaracións aos medios de comunicación, Goretti Sanmartín, en nome de Ana Pontón e do BNG, transmitiu "toda a forza, a enerxía e solidariedade coas vítimas do accidente de Angrois cun acompañamento que foi total nestes 10 anos co traslado ás diferentes administracións e institucións, das súas demandas esixindo xustiza, verdade e reparación".

"É incomprensíbel para calquera persoa que, nun accidente destas características, con 81 persoas falecidas e 144 persoas feridas houbese que esperar 10 anos para estar inmersas nun proceso xudicial e aínda non se foi capaz de conseguir esta investigación independente tan necesaria".